Футбол бўйича Испания Ла Лигасининг 25-туридан ўрин олган «Реал» ва «Алавес» ўртасидаги баҳс 19 февраль, шанба куни бўлиб ўтди.
«Сантьяго Бернабеу» мезбонлик қилган ўйин «қироллик клуби»нинг йирик ғалабаси билан якунланди. Мадридликлар биринчи бўлимда рақиб дарвозаси томон йўл топа олмади. Аммо иккинчи бўлимда Карло Анчелотти шогирдлари «Алавес» дарвозасига жавобсиз 3 та гол уришнинг уддасидан чиқди ва ғалабани ўз томонига оғдириб олди. Голларни Марко Асенсио, Винисиус Жуниор ва Карим Бензема ўз номига ёздириб қўйди.
Ушбу ғалабадан кейин пешқадам «Реал»нинг очколари 57 тага етди. «Алавес» эса 20 очко билан 19-ўринни эгаллаб турибди.
Ла Лига
25-тур баҳслари
19-тур баҳслари
«Реал Мадрид» – «Алавес» 3:0
Голлар: 1:0 – 63 Асенсио, 2:0 – 80 Винисиус Жуниор, 3:0 – 90, пенальти Бензема.«Реал»: Куртуа, Карвахаль (Васкес, 87), Алаба, Милитао, Менди (Марсело, 85), Модрич (Родриго, 82), Каземиро, Вальверде, Бензема, Асенсио (Себальос, 82), Винисиус Жуниор (Азар, 85).
«Алавес»: Пачеко, Теналя, Лежен, Мязга, Дуарте (Химо Наварро, 83), Жейсон (Пере Понс, 61), Пина, Эскаланте (Мендес, 72), Лум (Мойя, 83), Хоселу, Риоха (Вальехо, 72).
Огоҳлантиришлар: Модрич (33), Лум (48).
Изоҳ (0)