Футбол бўйича Франция чемпионатининг 25-туридан ўрин олган «ПСЖ» ва «Нант» жамоалари ўртасидаги ўйин 19 февраль, шанба куни бўлиб ўтди.
«Нант» мезбонлигида ўтган баҳс кутилмаганда «ПСЖ»нинг 1:3 ҳисобидаги мағлубияти билан якунланди. Мезбонлар 1-таймнинг ўзида парижликлар дарвозасини жавобсиз уч бор ишғол қилишга муваффақ бўлди. Голларга Ranдал Коло-Муани, Кантен Мерлен ва Людовик Блас муаллифлик қилди.
«ПСЖ» бу голларга фақатгина иккинчи 45 дақиқаликнинг бошида Неймарнинг ягона голи билан жавоб қайтара олди. 59-дақиқада эса бразилиялик форвард пенальтидан унумли фойдалана олмади.
Шу тариқа «ПСЖ» Лионель Месси, Килиан Мбаппе ва Неймардан иборат ҳужум триоси қатнашган ўйинда 2 та тўп фарқи билан мағлубиятга учради.
Мағлубиятга қарамай Маурисио Почеттино жамоаси энг яқин таъқибчисини 13 очкога ортда қолдирган ҳолда мусобақа жадвалида пешқадамлик қилмоқда. 5-ўриндаги «Нант»нинг ҳисобида эса 38 очко бор.
Лига 1
25-тур баҳси
19 февраль, шанба
«Нант» – «ПСЖ» 3:1
Голлар: 1:0 – 4 Коло-Муани, 2:0 – 16 Мерлен, 3:0 – 45, пенальти Блас, 3:1 – 47 Неймар.«Нант»: Лафон, Паллуа, Аппиа, Кастеллетто, Мерлен (Траоре, 90), Жиротто, Чиривелья, Блас (Перейра, 90), Букари (Коршя, 67), Саймон (Коко, 90), Коло-Муани.
«ПСЖ»: Навас, Керер (Ҳакими, 74), Маркиньос, Кимпембе, Бернат (Мендеш, 74), Вейналдум (Дракслер, 65), Гуйе (Ikarди, 81), Верратти, Месси, Неймар (ди Мария, 74), Мбаппе.
Огоҳлантиришлар: Кастеллетто (18), Верратти (38), Аппиа (45), Вейналдум (45), Неймар (50), Мбаппе (83), Ҳакими (90), ди Мария (90).
Изоҳ (0)