«Ливерпуль» Чемпионлар Лигаси 1/8 финал дастлабки ўйинида «Интер» устидан 2:0 ҳисобида ишончли ғалабага эришди.
Мерсисайдликлар бош мураббийи Юрген Клопп учун бу нуфузли мусобақадаги юбилей ғалаба эди. Клопп Чемпионлар Лигасида 50 та ғалабага эришган саккизинчи мураббийга айланди. Ундан ташқари, немислар ичида ушбу натижани қайд этган илк мутахассис ҳам бўлди.
Чемпионлар Лигаси ўйинларида энг кўп ғолиб бўлиш бўйича рекордчи «Манчестер Юнайтед» собиқ мураббийи Алекс Фергюсон ҳисобланади. Унинг ҳисобида 102 та ғалабали ўйин мавжуд. Ундан кейинги ўринларда Карло Анчелотти (94), Пеп Гвардиола (91), Арсен Венгер (86), Жозе Моуриньо (81), Луи ван Гаал (57) ва Рафаэл Бенитес (53) бормоқда.
Юрген Клопп 2015 йилдан буён «Ливерпуль»ни бошқариб келмоқда. 2018/19 йилги мавсумда 54 ёшли мутахассис қўл остида жамоа Чемпионлар Лигасида ғолиб бўлганди. Ундан ташқари 2019 йилда УЕФА Суперкубоги ва Клублар ўртасидаги Жаҳон Чемпионати совринига ҳам эга чиққанди.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)