Ҳимоячи Рустам Ашурматов Ўзбекистонга қайтди.
26 ёшли ҳимоячини «Навбаҳор» ўз сафига қўшиб олди. Бироқ Наманган клуби Ашурматов билан неча йиллик шартнома имзолангани ҳақида маълумот бермаган.
Футболчилик фаолиятини «Қўқон-1912»да (2015 йил) бошлаган футболчи «Бунёдкор» (2016—2018), Жанубий Кореянинг «Кванжу» (2019—2020), ва «Канвон» (2021 йил) клубларида ўйнаган.
Шунингдек, у Ўзбекистон U-17, U-19 ва U-23 терма жамоалари сафида ҳаракат қилган. 2018 йили Ўзбекистон U-23 ёшлар термаси сафида Осиё чемпионлигини қўлга киритган. 2017 йил 23 январь куни эса Ўзбекистон миллий терма жамоасидаги дебютини нишонлаган.
Изоҳ (0)