Европа Лигаси ва Конференциялар Лигасида ҳафтанинг энг яхши футболчилари аниқланди

Европа Лигаси ва Конференциялар Лигасининг  1/8 финалга ўтиш босқичининг дастлабки ўйинлари 17 февраль куни бўлиб ўтди.

УЕФА Европа Лигасида ҳафтанинг энг яхши ўйинчиси «Порту» вакили Тони Мартинес бўлди. Футболчи «Лацио»га қарши баҳсда 2 та голга муаллифлик қилганди.

Тони билан ушбу номга сазовор бўлиш учун «Рейнжерс» футболчиси Альфредо Морелос («Боруссия Д»га қарши ўйинда 1 гол ва 1 ассист), «Аталанта» вакили Берат Жимсити («Олимпиакос»га қарши беллашувда 2 та гол ва 93% аниқ узатма), «Бетис» ярим ҳимоячиси Гвидо Родригес («Зенит»га қарши учрашувда 1 гол ва 84% аниқ узатма) кураш олиб борди.

Европа Лигаси ўтиш босқичининг жавоб учрашувлари 24 февраль куни бўлиб ўтади.

Шунингдек, Конференциялар Лигасида ҳам ҳафтанинг энг яхши ўйинчиси аниқланди. Унга кўра, «Марсель» ҳужумчиси Аркадиуш Милик ушбу эътирофга сазовор бўлди. Польшалик футболчи «Қорабоғ»га қарши ўйинда 2 та гол урди ва 7 та аниқ зарба берди.

Ҳафтанинг энг яхшиси бўлиш учун курашда Миликка Юел Андерссон («Митюлланд», 1 та гол, 67% аниқ узатма), Уго Ветлесен («Будё-Глимпт», 1 та гол, 1 ассист, 76% аниқ узатма) ва Петсон Дака («Лестер», 1 гол) рақиблик қилди.

Европа Конференциялар Лигаси ўтиш босқичининг жавоб баҳслари 24 февраль куни бўлиб ўтади.