Президент Шавкат Мирзиёев пойтахтнинг Янгиҳаёт туманида жойлашган «Дўстлик» маҳалласига ташриф буюргани тўғрисида хабар берилганди. «Дарё» мухбирининг маълум қилишича, давлат раҳбари маҳаллани кўздан кечириш вақтида кўп қаватли уйнинг деворига чизилган «Дўстлик рамзи» муралига эътибор қаратган.
«Нега ҳаммаёққа шундай қилмайсизлар? Бу мурал ҳам одамнинг кайфиятига ижобий таъсир қилади», — деган президент масъулларга.
Шавкат Мирзиёев масъуллардан бу каби мураллар қачондан бошланганини сўраган. Тошкент шаҳар ҳокими Жаҳонгир Ортиқхўжаев бу турдаги деворий мураллар 2021 йилнинг баҳоридан чизила бошланганини таъкидлаган. «Дўстлик рамзи» муралининг муалифи Ҳасан Майчеев.
«Бир рассом чизиб беришини айтди ва бу мурални чизди», — дейди ҳоким.
Мавзуга доир: Фото: Шифокорларга аталган Сергелидаги граффити
Маълумот учун, Мурал-арт бу – замонавий кўча санъати бўлиб, бунда полотно вазифасини кўп қаватли бино деворлари бажаради.
Изоҳ (0)