“Nega hammayoqqa shunday qilmaysizlar?” Shavkat Mirziyoyev ko‘p qavatli uyga solingan mural unga yoqqanini aytdi

Prezident Shavkat Mirziyoyev poytaxtning Yangihayot tumanida joylashgan “Do‘stlik” mahallasiga tashrif buyurgani to‘g‘risida xabar berilgandi. “Daryo” muxbirining ma’lum qilishicha, davlat rahbari mahallani ko‘zdan kechirish vaqtida ko‘p qavatli uyning devoriga chizilgan “Do‘stlik ramzi” muraliga e’tibor qaratgan.

“Nega hammayoqqa shunday qilmaysizlar? Bu mural ham odamning kayfiyatiga ijobiy ta’sir qiladi”, — degan prezident mas’ullarga.

Shavkat Mirziyoyev mas’ullardan bu kabi murallar qachondan boshlanganini so‘ragan. Toshkent shahar hokimi Jahongir Ortiqxo‘jayev bu turdagi devoriy murallar 2021-yilning bahoridan chizila boshlanganini ta’kidlagan. “Do‘stlik ramzi” muralining mualifi Hasan Maycheyev.

“Bir rassom chizib berishini aytdi va bu muralni chizdi”, — deydi hokim.