Бразилиянинг Петрополис муниципалитетида (Рио-де-Жанейро штати) кучли ёғингарчилик натижасида юзага келган кўчки ва сув тошқинлари оқибатида ҳалок бўлганлар сони 94 кишига етди, уларнинг саккиз нафари вояга етмаганлар. Бу ҳақда қутқарув хизматларига таяниб, Globo телеканали хабар берди.
Айни вақтга қадар қутқарувчилар вайроналар остидан 24 кишини чиқариб олишга муваффақ бўлган, яна 35 кишини қидириш ишлари давом этмоқда. Қидирув ишларига 400 нафар қутқарувчи, 200 нафар полициячи, шунингдек, ҳарбийлар ва волонтёрлар жалб этган. Штат губернатори Калудиу Кастру 15 февралдан буён фавқулодда ҳолат оқибатларини бартараф этиш бўйича идоралараро саъй-ҳаракатларни мувофиқлаштириш учун шаҳарда бўлиб турибди. «Бу шаҳарда 1932 йилдан буён кузатилган энг кучли ёмғир», — дейди Кастру.
Фавқулодда вазиятлар хизматларига деярли қарийб 190 та кўчки ва 230 га яқин кичик ҳодисалар ҳақида маълумот келиб тушган; 80 та турар жой биноларига шикаст етган бўлиб, уларнинг камида 54 таси бутунлай вайрон бўлган. 15 февраль куни олти соат давомида 260 миллиметр ёғингарчилик кузатилган (бир ойлик нормадан кўп) шаҳар расмийлари мотам ва фавқулодда ҳолат режимини эълон қилган. Синоптиклар яқин кунларда яна ёғингарчилик кузатилишини прогноз қилмоқда.
Айни вақтда Москвада ташриф билан бўлиб турган Бразилия президенти Жаир Болсонару ижтимоий тармоқлар орқали табиий офатдан жабрланганларга федерал ёрдам кўрсатиш, шунингдек, офат оқибатларни бартараф этишга ҳарбийларни жалб этиш бўйича топшириқ берганини маълум қилди.
Бразилиянинг шимолий, марказий ва жануби-шарқий қисмларида ёзда (декабрь ойининг охиридан март охиригача) мавсумий бўлиб, ҳар йили турли даражадаги интенсивлик билан такрорланади. Бу Амазония экваториал ўрмонларидаги илиқ нам ҳавонинг Атлантика океани томон ҳаракатланиши сабаб юзага келади. 2020 йилнинг январида табиий офат оқибатида мамлакат жануби-шарқида 66 киши ҳалок бўлган. 2021 йилнинг ноябрида — ёмғирлар мавсуми бошидан бери Баия, Минас-Жерайс, Рио-де-Жанейро ва Сан-Паулу штатларида 150 дан ортиқ одам ҳалок бўлган.
Изоҳ (0)