Braziliyaning Petropolis munitsipalitetida (Rio-de-Janeyro shtati) kuchli yog‘ingarchilik natijasida yuzaga kelgan ko‘chki va suv toshqinlari oqibatida halok bo‘lganlar soni 94 kishiga yetdi, ularning sakkiz nafari voyaga yetmaganlar. Bu haqda qutqaruv xizmatlariga tayanib, Globo telekanali xabar berdi.
Ayni vaqtga qadar qutqaruvchilar vayronalar ostidan 24 kishini chiqarib olishga muvaffaq bo‘lgan, yana 35 kishini qidirish ishlari davom etmoqda. Qidiruv ishlariga 400 nafar qutqaruvchi, 200 nafar politsiyachi, shuningdek, harbiylar va volontyorlar jalb etgan. Shtat gubernatori Kaludiu Kastru 15-fevraldan buyon favqulodda holat oqibatlarini bartaraf etish bo‘yicha idoralararo sa’y-harakatlarni muvofiqlashtirish uchun shaharda bo‘lib turibdi. “Bu shaharda 1932-yildan buyon kuzatilgan eng kuchli yomg‘ir”, — deydi Kastru.
Favqulodda vaziyatlar xizmatlariga deyarli qariyb 190 ta ko‘chki va 230 ga yaqin kichik hodisalar haqida ma’lumot kelib tushgan; 80 ta turar joy binolariga shikast yetgan bo‘lib, ularning kamida 54 tasi butunlay vayron bo‘lgan. 15-fevral kuni olti soat davomida 260 millimetr yog‘ingarchilik kuzatilgan (bir oylik normadan ko‘p) shahar rasmiylari motam va favqulodda holat rejimini e’lon qilgan. Sinoptiklar yaqin kunlarda yana yog‘ingarchilik kuzatilishini prognoz qilmoqda.
Ayni vaqtda Moskvada tashrif bilan bo‘lib turgan Braziliya prezidenti Jair Bolsonaru ijtimoiy tarmoqlar orqali tabiiy ofatdan jabrlanganlarga federal yordam ko‘rsatish, shuningdek, ofat oqibatlarni bartaraf etishga harbiylarni jalb etish bo‘yicha topshiriq berganini ma’lum qildi.
Braziliyaning shimoliy, markaziy va janubi-sharqiy qismlarida yozda (dekabr oyining oxiridan mart oxirigacha) mavsumiy bo‘lib, har yili turli darajadagi intensivlik bilan takrorlanadi. Bu Amazoniya ekvatorial o‘rmonlaridagi iliq nam havoning Atlantika okeani tomon harakatlanishi sabab yuzaga keladi. 2020-yilning yanvarida tabiiy ofat oqibatida mamlakat janubi-sharqida 66 kishi halok bo‘lgan. 2021-yilning noyabrida — yomg‘irlar mavsumi boshidan beri Baiya, Minas-Jerays, Rio-de-Janeyro va San-Paulu shtatlarida 150 dan ortiq odam halok bo‘lgan.
Izoh (0)