Наманган шаҳрида 15 февраль куни ёқилғи қуйиш шоҳобчалардан бирида ёнғин содир бўлди. Бу ҳақда Наманган вилояти Фавқулодда вазиятлар бошқармаси хабар қилди.
Қайд этилишича, шу куни соат 12:30 атрофида шаҳарнинг «Лола» маҳалласида жойлашган автомобилларга ёқилғи қуйиш шохобчаси орқа ҳудудида ёлланма ишчилар анчадан буён фойдаланишда бўлмаган ичи бўш 25 тонна ҳажмдаги идишни тозаламоқчи бўлган. Ичини дизель ёқилғиси билан тозалаб, таъмирлаш мақсадида пайвандлаш ишлари олиб борилаётган вақтда дизель ёқилғисининг буғи ва ҳаво аралашмасининг чақнаши содир бўлган.
Оқибатда бир нафар ёлланма ишчи тан жароҳати олиб, шифохонага олиб борилган. Унга биринчи тиббий ёрдам кўрсатилган ва уйига рухсат берилган. Ҳозирда унинг аҳволи яхши.
Изоҳ (0)