Аввалроқ Марказий банк Ўзбекистон миллий валютаси – сўмнинг график белгисини яратиш бўйича танлов эълон қилгани ҳақида хабар берилган эди.
Кўплаб бошқа валюталардан фарқли ўлароқ ўзбек сўмининг график белгиси мавжуд эмас ва бўлмаган ҳам. Қисқартма сифатида «so‘m» ёки «sum» сўзлари, UZS ҳарфларидан иборат белги ёки 860 рақамидан фойдаланиб келинган.
Бироқ Тошкентдаги USSО Design агентлиги томонидан 2013 йилдаёқ сўмнинг график белгиси концепти яратилган эди.
«S» ҳарфининг асосида 45° бурчак остида белгиланган икки параллел чизиқ тасвирланган. Яратувчиларнинг сўзларига кўра, ушбу чизиқлар ўсиш белгисини, шунингдек, ҳар қандай жаҳон валютасига хос бўлган кўтарилиш ва тушиш каби икки йўналишни ифодалайди.
Мазкур ғоя ғоялигича қолиб кетган. Эндиликда эса сўм биринчи марта ўзининг график белгисига эга бўлади. Танлов бўйича ишлар 31 мартгача қабул қилинади.
Марказий банкда белги ўзбек сўмини жаҳон миқёсида тан олиниши ва молиявий бозорлардаги унинг халқаро нуфузини оширишини таъминлаши кутилмоқда.
Изоҳ (0)