2022 йилги «Оскар» мукофоти учун номзодлар рўйхати — кутилган ва кутилмаган натижалар

Лос-Анжелесда 2022 йил 27 март куни топшириладиган «Оскар» мукофотига номзодлар рўйхати эълон қилинди. Жейн Кемпионнинг «Итнинг кучи» фильми 12 номинация бўйича мукофотга номзод сифатида кўрсатилган бўлса (у режиссёрлик иши учун «Оскар»га иккинчи бор номзоди қўйилган тарихдаги биринчи аёл), Денис Вилневнинг «Дюна» фильми 10 та номинация бўйича даъвогарлик қилмоқда. Кинотанқидчи Антон Долин Meduza учун шу ва бошқа номзодлар бўйича мақола тайёрлади, «Дарё» эса уни ўзбек тилига ўгирди.

Фахр туйғуси барча шов-шувлар ўрнини босиб кетди — Антон Дяковнинг 15 дақиқалик «БоксБалет» (2019) мультфильми «Қисқа метражли анимация» йўналиши бўйича даъвогарлар бешталигидан жой олди. Умуман, аниматорларимиз «Оскар» борасида бадиий фильм режиссёрларидан кўра омадлироқ: Константин Бронзит («Биз фазосиз яшай олмаймиз», 2014) йиллар давомида Америка академикларининг севимли аниматорларидан бирига айланди, бугунги кунда ҳайкалчани қабул қилиб олган сўнгги рус ижодкори эса ярославллик Александр Петров («Чол ва денгиз», 1999) бўлиб турибди. Бироқ Юхо Куосманеннинг, бош ролни Юра Борисов ижро этган ва мукофотнинг қисқа рўйхатига киритилган, «Олтинчи купе» (Compartment Но. 6, 2021) картинаси номзодларнинг якуний рўйхатидан жой ололмаган.

«Оскар»ни биргина америкаликларнинг эмас, балки халқаро мукофотга айлантириш орзуси билан боғлиқ янгиликлардан бири япониялик режиссёр Рюсуке Ҳамагучининг Харуки Мураками новелласи асосида суратга олинган «Машинамни бошқар» (Drive мй car, 2021) драмаси фавқулодда муваффақият қозонгани бўлди. Канн кинофестивалида аллақачон эътироф қилинган бу уч соатлик фильм тўртта номинацияни қўлга киритди. Сценарий, режиссёрлик иши ва йил фильми номинациялари, шулар жумласидан («Халқаро фильм» йўналиши ҳам).

Бошқа томондан, академиянинг кўп йиллик арзандаси Педро Алмодовар шахсий номинацияларсиз қолди: унинг «Параллел оналар» (Parallel mothers, 2021) картинаси фақат Альберто Иглесиас мусиқаси ва Пенелопа Крузнинг актёрлик иши учун қайд этилган.

Леди Гага, кутилганидан фарқли ўлароқ, «Оскар» рўйхатидан жой олмаган, «Гуччи уйи» (House оф Gucci, 2021) фақат грим бўйича номинацияга муносиб кўрилди, холос. Бироқ энг яхши актриса номига Пабло Ларрианнинг «Спенсер» (Спенcер, 2021) драмасида малика Диана ролини ижро этган (фильмда бошқа номинациялар йўқ) ва матбуот томонидан танқид остига олинган Кристен Стюарт даъвогарлик қилмоқда.

Янги зеландиялик Жейн Кемпионнинг Бенедикт Камбербетч иштирокидаги «Итнинг кучи» (The power of the dog, 2021) номли ревизионист вестерни 12 номинация бўйича номзодликни қўлга киритиб, жорий йилнинг мутлақ етакчисига айланган (у ва унинг ҳамкасблари Коди Смит Макфи, Жесси Племонс, Кристен Данст режиссёрлик иши бўйича номзодлар сифатида кўрилмоқда). 1994 йилда «Шиндлер рўйхати» ҳам, масалан, шунча номинацияни қўлга киритганди.

«Итнинг кучи» асосий йўналиш бўйича ғалаба қозонишига, айниқса Жейн Кемпионнинг профессионал тажрибасини ҳисобга олсак, тўла асос бор (у 1994 йилда «Пианино» фильмига ёзилган сценарий учун «Оскар»га лойиқ кўрилган). Эҳтимол, бу кинокомпозитор ва Radiohead гитарачиси Жонни Гринвуд учун мусиқа йўналиши бўйича ўзи анчадан бери лойиқ бўлган мукофотга эгалик қилишга биринчи жиддий имкониятдир.

Бошқа томондан, академиклар тажрибаларни ёқтирмайди ва ҳайкалча шу сабабли ҳам «Дюна» (Дуне, 2021) учун мусиқа ёзган Ҳанс Зиммерга насиб қилиши мумкин. Кўпчилик ҳайратда, лекин Дени Вилнёвнинг ушбу илмий-фантастик экологик эпоси ўнта номинация билан «Итнинг кучи»дан кейинги ўринни банд қилган. «Дюна» кутилмаганда ғалаба қозонса, тарихда биринчи марта бутун фильм эмас, балки унинг  бир қисмигина энг яхши фильм сифатида тан олинган бўлади.

Номинациялар сони бўйича учинчи ўринни Стивен Спилбергнинг кўркам «Весцайд ҳикояси» (West Side Story, 2021) фильми ва Кеннет Брананинг носталгик руҳдаги «Белфаст» (Белфаст, 2021) тақсимлаб олган — иккиси еттитадан номинация бўйича тилга олинган. Кейинги ўринларни Рейналдо Маркус Гриннинг саховатпеша «Қирол Ричард»и (King Richard, 2021, олтита номинация), Адам Маккейнинг «Юқорига қарама» (Don’t look up, 2021) ҳамда Гилермо дел Торонинг «Шарпалар ошёни» (Nightmare Alley, 2021) фильмлари (ҳар бирида тўрттадан) банд қилган.

Пол Томас Андерсоннинг «Қизилмияли пицца» (Licorice pizza, 2021) картинаси, кутилганидек, аутсайдер дея тан олинди — фильм ҳаддан ташқари индивидуал ва эксцентрик руҳда олингани учун етакчилар сафига қўшила олмаган: унда, энг асосий йўналишларда бўлса ҳам, атиги учта номинация бор — сценарий, режиссёрлик иши, энг яхши фильм. «Магнолия» (Magnolia, 1999) ва «Қон тўкилажак» (There will be blood, 2007) фильмлари муаллифи нисбатан янгилар — «Адашган қиз» (The lost daughter, 2021) номли асабий психодрама режиссёри Мегги Жиленҳолл ва «Ота-онаси кар бола» (CODA: child of deaf adults, 2021) фильми билан «Санденс» фестивали ғолибига айланган Sian Хедерга тенг кўрилган (буларда ҳам учтадан номинация).

«Оскар»лар 27 март куни топширилади.