Польшада омикрон штаммининг яна иккита янги варианти аниқланди. Бу ҳақда мамлакат соғлиқни сақлаш вазири ўринбосари Валдемар Краскага таяниб, «РИА Новости» хабар берди.
«Ҳозирда бизда мамлакатда аниқланган омикрон штаммининг иккита янги субварианти мавжуд», — дейди Краска.
Унинг таъкидлашича, Соғлиқни сақлаш вазирлиги ҳозирча ушбу вариантлар «ўзини қандай тутиши ва касалликни қандай кечишига» олиб келишини билмайди.
«Коронавирус кундалик ҳаётимиздан шунчаки йўқолиб кетмайди. Ўйлайманки, биз ўрганиб қолган маълум бир одатлар, маълум қоидалар, яъни масофа сақлаш, дезинфекция, ниқоб — бу биз билан қолиши керак, доимий бўлмаса-да, албатта, узоқ муддатга», — деган Краска.
Шу билан бирга, у омикрон Польшада аниқланаётган коронавирус ҳолатларнинг 96 фоизини ташкил этаётганини таъкидлаган.
Польшада пандемия бошидан буён 5,4 миллиондан ортиқ одамда коронавирус тасдиқланган, 108 мингдан ортиқ бемор вафот этган.
Коронавируснинг янги омикрон штамми биринчи марта 11 ноябрь куни Жанубий Африкада топилган. Британиялик олимларнинг таъкидлашича, янги штамм тарқалиш тезлиги туфайли аввалгиларига, жумладан, дельтага қараганда хавфлироқ бўлиши мумкин. Жаҳон соғлиқни сақлаш ташкилоти мавжуд вакциналар ушбу штаммга қарши самарасиз бўлиши мумкин, деган шубҳалар туфайли омикронни хавфли деб тан олди. Ташкилот, шунингдек, илгари коронавирусни бошдан ўтказганларда омикрон билан қайта касалланиш эҳтимоли юқорилигини маълум қилди. 2021 йилнинг январь ўрталарида Швеция жанубидаги Уппсала шаҳрида омикрон штаммининг мутация аниқланган эди.
Изоҳ (0)