Бугун,

  • USD 11095.31
  • RUB 173.84
  • EUR 10772.44

Германиянинг собиқ канцлери Ангела Меркель президент Франк-Вальтер Штайнмайер қайта сайланган қурултойда лавозимини тарк этганидан бери биринчи марта оммага кўриниш берди, деб ёзади DW.

Фото: Deutsche Welle

Фото: Deutsche Welle

Федерал қурултойда қатнашган 1437 нафар делегат Ангела Меркелни қарсаклар билан кутиб олган. Таъкидланишича, бу унинг 2021 йилнинг декабрида ўз лавозими Олаф Шольцга топширганидан бери илк бор омма олдига чиқиши ҳисобланади.

Германиянинг амалдаги президенти Франк-Вальтер Штайнмайер иккинчи муддатга сайланди. 66 ёшли сиёсатчига делегатларнинг 1045 нафари овоз берган.

Сайловларда Штайнмаердан ташқари, «Германия Христиан-демократлар иттифоқи»дан Герхард Траберт, «Германия учун муқобил» партиясидан Макс Отте ва «Эркин сайловчилар»дан физик Стефани Гебауэр иштирок этган. Траберт 96 та, Гебауэс — 58 та, Отте — 140 та овоз йиғишга муваффақ бўлган. 12 та овоз ҳақиқий эмас деб топилган, 86 таси овоз бермаган.

Нашрнинг қайд этишича, Меркель канцлерлик лавозимидан кетганидан буён икки ой давомида омма олдида кўриниш бермагани Германияда унга нисбатан эътиборнинг янада ортишига сабаб бўлган. У Христиан-демократик иттифоқ партиясининг виртуал конференцияларида ҳам қатнашмасликка қарор қилган. Шунингдек, Меркель БМТда глобал жамоатчилик фаровонлиги бўйича юқори даражадаги маслаҳат органига раислик қилишни таклифини рад этган.

Бундестаг раиси Бербел Басс Германия собиқ канцлерини узоқ йиллар давомида мамлакатга қилган хизматлари учун миннатдорчилик билдирган. «Ҳурматли доктор Меркель хоним, мен сизни федерал йиғинининг барча аъзолари номидан табриклайман», — дейди Басс қарсаклар аввалида.

31 йиллик иш стажига эга Меркель 15 минг еврога яқин нафақа олади — бу Вазирлар Маҳкамасидаги моашнинг 65 фоизи ҳисобланади. Германия ҳукуматининг барча собиқ раҳбарлари ва Германия президентлари сингари, Меркелда ҳам ўз офисига ва кичик штат ходимларига, жумладан, офис менежери, иккита ёрдамчи, котиб ва ​​ҳайдовчига эга бўлиш ҳуқуқи мавжуд.

Изоҳ
Асосий янгиликлар
Маҳаллий
Ўзбекистонда 29 май куни 39 даражагача иссиқ бўлади
Шоу-бизнес
“Хитойдан ўлигим қайтади деб қўрққанман”. Уч хил овозда гапира оладиган халқаро цирк устаси, вайнер Шерзод Мамадалиев билан суҳбат (видео)
Маҳаллий
Хоразмда 3-синф ўқувчиларига беҳаё хатти-ҳаракатлар қилган 61 ёшли ўқитувчи беш суткага қамалди