UFC 271. Исраэл Адесанья реваншда ҳам Уиттакерни мағлуб этиб, чемпионликни ҳимоя қилди

АҚШнинг Ҳюстон шаҳрида Тошкент вақти билан 13 февраль тонгида UFC 271 мусобақаси бўлиб ўтди.

Мусобақанинг асосий жанги ўрта вазн тоифаси чемпиони Исраэл Адесанья ва дивизионнинг 1-рақамли вакили Роберт Уиттакер ўртасида кечди. Адесаньянинг кичик устунлигида ўтган жангда ҳакамлар бир овоздан чемпионнинг ғалабасини қайд этди.

Шу тариқа Уиттакер мазкур қарама-қаршиликнинг иккинчи жангида ҳам мағлубиятга учради. 2019 йилнинг октябрида ўтказилган дастлабки жангда Адесанья 2-раунддаги нокаут эвазига ғалаба қозонганди.

Яна бир асосий жанглардан бири Тай Туйваса ва Деррик Льюис иштирокида бўлди. Иккинчи раундда Туйваса рақибини нокаутга учратди.

• Исраэл Адесанья (22-1) ҳакамлар қарорига кўра Роберт Уиттакер (23-6) устидан ғалаба қозонди;
• Тай Туйваса (14-4) иккинчи раундда Деррик Льюисни (26-10) нокаутга учратди;
• Жаред Канноньер (15-5) иккинчи раунддаги техник нокаут билан Дерек Брансонни (24-8) енгди;
• Ренато Мойкано (16-4-1) иккинчи раундда бўғиш усули билан Алехандро Эрнандесни (13-5) таслим этди;
• Бобби Грин (29-12-1) очколар ҳисобига Насрат Ҳақпарастдан (13-5) устун келди.

• Андрей Орловски очколар эвазига Жаред Вандерани енгди;
• Кейси О’Нилл очколар эвазига Роксанн Модафферини ютди;
• Кайлер Филлипс 3-раундда сабмишен орқаили Марсело Рохони ютди;
• Карлос Олберг очколар эвазига Фабио Чернатни енгди;
• Ронни Лоуренс очколар эвазига Мана Мартинесни енгди;
• Жейкоб Малкун очколар эвазига Эй Жей Добсонни ютди;
• Дуглас Сильва 2-раундда Сергей Морозовни сабмишен орқали ютди;
• Жеремайя Уэльс 1-раундда сабмишен орқали Майк Матетани енгди;
• Максим Гришин очколар эвазига Уильям Найтни ютди.