Тошкент вилоятида қасамёдини бузган судья лавозимидан озод этилди

Тошкент вилоятида судьялик қасамёдини бузган судьянинг ваколати муддатидан илгари тугатилди. Бу ҳақда Судьялар олий кенгаши хабар қилди.

Қайд этилишича, фуқаролик ишлари бўйича Юқори Чирчиқ туманлараро судининг судьяси Ойбек Тошпўлатов лавозимидан озод этилиб, ваколатлари муддатидан илгари тугатилган.

Шунингдек, масъулиятсизлиги ва фаолиятида йўл қўйган камчиликлари учун:

• Олий судининг судьяси V.Сатторова;
• Андижон вилоят маъмурий судининг раиси М.Салимов;
• Андижон вилоят судининг раиси Т.Мелибоев;
• фуқаролик ишлари бўйича Юқори Чирчиқ туманлараро судининг раиси С.Раҳматуллаев;
• фуқаролик ишлари бўйича Кармана туманлараро судининг судьяси Б.Қутлиев интизомий жавобгарликка тортилган.