Россиянинг COVID-19 га қарши кураш бўйича федерал тезкор штаби маълумотларига кўра, мамлакатда бир суткада 197 076 кишида COVID-19 тасдиқланди. Бу пандемия бошидан буён кунлик касалланишлар бўйича максимал кўрсаткич.
Россияда ўтган бир суткада 19 446 киши касалхонага ётқизилди — бу 9 февралдагидан 3,63 фоизга кам. Шунингдек, 701 киши инфекция асоратларидан вафот этди.
Бир кун аввал, 9 февраль куни мамлакатда 183 103 та кишида коронавирус аниқланиб, 669 нафар бемор вафот этганди. Ўша куни 20,1 минг киши шифохоналарга ётқизилган (8 февралдагидан 0,03 фоизга кам)
Россияда COVID-19 билан кунлик касалланишлар 21 январдан бери рекордларини янгиламоқда, фақат 7 ва 8 февраль кунлари касалланиш бироз пасайиб, мустасно бўлди.
Омикрон штаммининг тарқалиши туфайли COVID-19 га чалинаётганлар улуши ҳам ошди. Илгари коронавирусдан тузалганларнинг 0,7 фоизидан кўпи вирусни қайта юқтирган бўлса, ҳозир уларнинг улуши 15 фоизга етди, дейди Гамалея марказининг раҳбари Александр Гинсбург.
Унинг айтишича, коронавирусга чалиниш билан боғлиқ вазият яқин кунларда яхшиланади ва Россия касалланиш чўққисига етиши мумкин, декабрь ўрталарида бошланган тўлқин бир ярим-икки ой ичида тугайди.
Федерал штаб маълумотларига кўра, Россияда жами 13 527 845 кишида коронавирус аниқланган. COVID-19 ташхиси билан 338 091 киши вафот этган.
Изоҳ (0)