Муҳаммад Салоҳ Африка Миллатлар Кубоги финалидаги мағлубиятдан сўнг жамоадошларини руҳлантирди.
Ижтимоий тармоқларда 29 ёшли футболчининг терма жамоадаги шерикларига мурожаати акс этган лавҳа тарқалди.
«12 кунда биз 120 дақиқадан иборат тўртта ўйинда иштирок этдик. Бу энди ўтмиш, кейинги ойда биз улар билан яна ўйнаймиз ва реванш оламиз, Иншааллоҳ», — деди мисрлик ҳужумчи.
Ҳар иккала терма жамоа Жаҳон Чемпионати саралашининг иккинчи босқичида ўз гуруҳларига биринчи ўринни эгаллади ва ўтиш ўйинларига бир-бирига тўқнаш келиб қолди. Миср ва Сенегал терма жамоалари март ойида мундиал йўлланмаси учун ўзаро баҳс олиб боради. Дастлабки ўйин 23 март куни Қоҳирада, жавоб учрашуви эса 29 март куни Дакарда бўлиб ўтади.
Африка Миллатлар Кубогининг финалида Миср Сенегал билан баҳс олиб борди ва пенальтилар сериясида 2:4 ҳисобида имкониятни бой берди.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)