Американинг Жонс Ҳопкинс университети маълумотларига кўра, дунёда коронавирусга чалинганлар сони 400 миллиондан ошди.
COVID-19 тарқала бошлагандан бери дунё миқёсида 5 764 461 киши ушбу инфекциядан вафот этди. АҚШ, Ҳиндистон ва Бразилияда коронавирусга чалиниш ҳолатлари 20 миллиондан юқори.
Касалланганлар ва вафот этганлар сони бўйича доимгидек АҚШ етакчилик қилмоқда, мамлакатда COVID-19 га чалинганлар сони 77 51 506 нафарни, унинг оқибатида вафот этганлар сони эса 908 820 нафарни ташкил этмоқда.
Ҳиндистон касалланганлар сони бўйича иккинчи ўринда турибди, у ерда COVID-19 тасдиқланган кишилар сони 42 410 976 нафарга, вирус асоратларидан вафот этганлар эса 505 279 нафарга етди.
Коронавирус юқтириш ҳолатлари бўйича учинчи ўринда Бразилия бормоқда, пандемия бошидан буён мамлакат аҳолисининг 26 793 497 нафари инфекцияга чалинган, улардан 634 118 киши вафот этган.
Шу билан бирга, дунё аҳолисини коронавирусга қарши эмлаш учун 10 миллиарддан ортиқ дозада вакцина қўлланилган.
Ўзбекистон Соғлиқни сақлаш вазирлиги маълумотларига кўра, 2022 йил 8 февраль ҳолати бўйича Ўзбекистонда коронавирус инфекцияси қайд этилганлар сони 231179 (+778) нафарни ташкил этмоқда. Ўтган суткада 4 нафар бемор вафот этиб, вирус қурбонлари сони 1592 нафарга етган. Ўз навбатида касалликдан соғайганлар сони жами 213736 (+613) кишига етиб, мамлакатда соғайиш кўрсаткичи 92 фоизни ташкил қилмоқда.
Мавзуга доир:
- Россияда коронавирус билан кунлик касалланишлар сони 150 мингдан ошиб кетди
- ЖССТ дунё бўйлаб коронавирус билан касалланиш бир ҳафта ичида 20 фоизга ошганини маълум қилди
- Омикрондан кейин коронавируснинг янги штаммлари пайдо бўлиши мумкин
- Австралия пандемия бошланганидан буён илк бор эмланган хорижликларга чегараларини тўлиқ очади
Изоҳ (0)