Amerikaning Jons Hopkins universiteti ma’lumotlariga ko‘ra, dunyoda koronavirusga chalinganlar soni 400 milliondan oshdi.
COVID-19 tarqala boshlagandan beri dunyo miqyosida 5 764 461 kishi ushbu infeksiyadan vafot etdi. AQSh, Hindiston va Braziliyada koronavirusga chalinish holatlari 20 milliondan yuqori.
Kasallanganlar va vafot etganlar soni bo‘yicha doimgidek AQSh yetakchilik qilmoqda, mamlakatda COVID-19 ga chalinganlar soni 77 51 506 nafarni, uning oqibatida vafot etganlar soni esa 908 820 nafarni tashkil etmoqda.
Hindiston kasallanganlar soni bo‘yicha ikkinchi o‘rinda turibdi, u yerda COVID-19 tasdiqlangan kishilar soni 42 410 976 nafarga, virus asoratlaridan vafot etganlar esa 505 279 nafarga yetdi.
Koronavirus yuqtirish holatlari bo‘yicha uchinchi o‘rinda Braziliya bormoqda, pandemiya boshidan buyon mamlakat aholisining 26 793 497 nafari infeksiyaga chalingan, ulardan 634 118 kishi vafot etgan.
Shu bilan birga, dunyo aholisini koronavirusga qarshi emlash uchun 10 milliarddan ortiq dozada vaksina qo‘llanilgan.
O‘zbekiston Sog‘liqni saqlash vazirligi ma’lumotlariga ko‘ra, 2022-yil 8-fevral holati bo‘yicha O‘zbekistonda koronavirus infeksiyasi qayd etilganlar soni 231179 (+778) nafarni tashkil etmoqda. O‘tgan sutkada 4 nafar bemor vafot etib, virus qurbonlari soni 1592 nafarga yetgan. O‘z navbatida kasallikdan sog‘ayganlar soni jami 213736 (+613) kishiga yetib, mamlakatda sog‘ayish ko‘rsatkichi 92 foizni tashkil qilmoqda.
Mavzuga doir:
- Rossiyada koronavirus bilan kunlik kasallanishlar soni 150 mingdan oshib ketdi
- JSST dunyo bo‘ylab koronavirus bilan kasallanish bir hafta ichida 20 foizga oshganini ma’lum qildi
- Omikrondan keyin koronavirusning yangi shtammlari paydo bo‘lishi mumkin
- Avstraliya pandemiya boshlanganidan buyon ilk bor emlangan xorijliklarga chegaralarini to‘liq ochadi
Izoh (0)