Франция президентлигига «Миллий уюшма» ўнг партиясидан номзод Марин Ле Пен Реймсдаги сайловларда ғалаба қозонса, Францияни НАТО таркибидан чиқаришга ваъда берди.
Ле Пеннинг фикрича, Франция «ўз манфаатларини ҳимоя қилиши» керак.
«Шунинг учун НАТОнинг қўшма қўмондонлигидан чиқиб кетамиз ва бошқаларнинг можароларига гирифтор қилинмаймиз», — деди у.
2 январь куни Франция ўнг қанот сиёсатчилари Парижнинг Зафар аркидаги Европа Иттифоқи байроғини танқид қилганди. Президентликка номзодларнинг иккаласи ҳам — Марин Ле Пен ва Эрик Земмур байроқнинг аркда туришини ватанпарварлик туйғуларини ҳақорат қилиш деб ҳисоблайди. Ўнг марказчи «Республикачилар» партиясидан президентликка номзод Валери Пекреснинг айтишича, байрамларда анъанавий равишда Франция байроғи ҳилпираб турадиган жойда Европа байроғининг бўлиши француз ўзлигини йўқотмоқда.
Францияда президентлик сайловлари 2022 йилнинг 10 апрелида бўлиб ўтади. Агар иккинчи турга эҳтиёж бўлса, у 24 апрель куни ўтказилади.
Изоҳ (0)