Bugun,

  • USD 11095.31
  • RUB 173.84
  • EUR 10772.44

Fransiya prezidenti Emmanuel Makron 2020-yilning iyulida Fransiya davlat bayrog‘idagi ko‘k rang jilosini o‘zgartirgan. Bu haqda Europe 1 radiostansiyasida ma’lum qilindi, deb xabar beradi Meduza. Ta’kidlanishicha, Le Parisien va Le Figaro nashrlariga ushbu ma’lumotlarni Yelisey saroyi — Fransiya prezidentining rasmiy qarorgohi tasdiqlagan.

Foto: Steppe

Foto: Steppe

Oldinlari Fransiya bayrog‘idagi ko‘k rang jilosi ancha yorqin edi. Uni 1976-yilda Fransiya prezidenti Valeri Jiskar d’Esten bayroq Yevropa iqtisodiy hamjamiyati (keyinroq Yevropa Ittifoqiga aylangan) bayrog‘i rangiga mos kelishi uchun joriy etgan.

Makron fransuz bayrog‘iga Fransiya inqilobidan 1976-yilgacha foydalanilgan ancha to‘qroq ko‘k rangni qaytargan.

Ko‘k rangning almashtirilishi Yelisey saroyida ko‘plab bahs-munozaralarga sabab bo‘lgan. Fransuz jurnalistlari Eliot Blonde va Pol Larrutyuru tomonidan yozilgan Yelisey saroyi haqidagi kitobda qayd etilishicha, ushbu yangilik tashabbusini tezkor ishlar bo‘yicha direktor Arno Jolans ilgari surgan.

Yelisey saroyi Fransiya bayrog‘idagi ko‘k rang jilosining o‘zgarilishini ommaviy e’lon qilmagan va mamlakatdagi barcha davlat bayroqlarini almashtirish tashabbusini surmagan. Shu bilan birga, bayroqning yangi varianti 2018-yildan buyon Makronning rasmiy chiqishlarida foydalanilmoqda. Shuningdek, u Yelisey saroyi va boshqa rasmiy binolarga ilingan.

Izoh
Asosiy yangiliklar
Mahalliy
Soliqlar, jarimalar, kommunal va boshqa to‘lovlarni qanday qilib uydan chiqmasdan to‘lash mumkin?
Mahalliy
BAA O‘zbekiston zargarlik sanoatiga investitsiya kiritishi kutilyapti
Dunyo
Zelenskiyning rafiqasi ukrainaliklar chiroqsiz va issiqliksiz yashashga roziligini ma’lum qildi