Тошкент метросида поезд икки бекат орасида тўхтаб қолди. Метрополитен ҳолат юзасидан ахборот берди.
Қайд этилишича, 5 февраль куни соат 19:27 да Тошкент метрополитенининг «Халқлар дўстлиги» ва «Миллий боғ» бекатлари оралиғида ҳаракатланиб келаётган 4-сонли ҳаракат таркибида техник носозлик кузатилган ва поезд ҳаракатдан тўхтаган.
Шу вақт машинист керакли чора-тадбир қўллаб, ҳаракат таркиби «Миллий боғ» бекатига олиб келинган ва барча йўловчилар бекатга туширилган. Ушбу поездга ёрдам кўрсатиш мақсадида кейинги навбатда ҳаракатланаётган поезд ҳам йўловчиларни «Миллий боғ» бекатида қолдирган ва таъмир учун Чилонзор электродепосига йўналтирилган.
«Техник носозлик сабаб юзага келган ноқулайликлар учун узр сўраймиз», – дейилади хабарда.
Изоҳ (0)