«Барселона» раҳбарияти жамоа бош мураббийи Хавига вингер Усмон Дембелени ўйинларда майдонга туширишни тақиқламайди.
Mundo Deportivo’га кўра, Хавига бу масалада тўлиқ эркинлик берилган, у франциялик футболчидан мавсум охиригача ўзи истаганидек фойдаланиши мумкин.
Шунингдек, 24 ёшли ярим ҳимоячи Европа Лигаси учун қайдномага ҳам киритилган.
Аввалроқ Дембеле туфайли «Барселона» президенти Хоан Лапорта ва Хави ўртасида келишмовчилик юзага келгани ҳақида хабар берилганди.
Эслатиб ўтамиз, Дембеле ва шартномани узайтириш борасида келиша олмаяпти. Аввалроқ «Барселона» футболчи билан шартномани ўзаро келишув асосида бекор қилмоқчи экани хабар қилинганди. Агар Дембеле бунга рози бўлса, у эркин агентга айланади, каталонияликлар эса футболчи янги клуб топгунича унга маошнинг бир қисмини тўлаб беради.
24 ёшли футболчи Ла Лига жорий мавсумида 6 та ўйин ўтказиб, 2 та голли узатма муаллифига айланди.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)