Пекиндаги «Қуш уяси» стадионида 4 февраль куни XXIV қишки Олимпия ўйинларининг очилиш маросими бўлиб ўтди.
Ўзбекистон ушбу Олимпиадага бир нафар иштирокчи билан қатнашади. Комилжон Тўхтаев тоғ чанғиси бўйича мусобақаларда қатнашади ва айнан у очилиш маросимида Ўзбекистон байроқдори бўлди.
Қуйида Пекин—2022 очилиш маросимидан суратлар тақдим этилади.
Маълумот учун, Ўзбекистон президенти Шавкат Мирзиёев мазкур маросимда қатнашди.
Пекин–2022 қишки Олимпия ўйинлари 4—20 февраль кунлари бўлиб ўтади. Ўйинлар давомида 15 йўналиш бўйича 109 та медал шодалари ўйналади. Шу тариқа Пекин ҳам ёзги, ҳам қишки Олимпия ўйинларига мезбонлик қилган илк шаҳарга айланди.
Изоҳ (0)