“Barselona” rahbariyati jamoa bosh murabbiyi Xaviga vinger Usmon Dembeleni o‘yinlarda maydonga tushirishni taqiqlamaydi.
Mundo Deportivo’ga ko‘ra, Xaviga bu masalada to‘liq erkinlik berilgan, u fransiyalik futbolchidan mavsum oxirigacha o‘zi istaganidek foydalanishi mumkin.
Shuningdek, 24 yoshli yarim himoyachi Yevropa Ligasi uchun qaydnomaga ham kiritilgan.
Avvalroq Dembele tufayli “Barselona” prezidenti Xoan Laporta va Xavi o‘rtasida kelishmovchilik yuzaga kelgani haqida xabar berilgandi.
Eslatib o‘tamiz, Dembele va shartnomani uzaytirish borasida kelisha olmayapti. Avvalroq “Barselona” futbolchi bilan shartnomani o‘zaro kelishuv asosida bekor qilmoqchi ekani xabar qilingandi. Agar Dembele bunga rozi bo‘lsa, u erkin agentga aylanadi, kataloniyaliklar esa futbolchi yangi klub topgunicha unga maoshning bir qismini to‘lab beradi.
24 yoshli futbolchi La Liga joriy mavsumida 6 ta o‘yin o‘tkazib, 2 ta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)