Россиядан Тожикистоннинг Хўжанд шаҳрига учган 2 та самолёт Тошкент аэропортига қўнишга мажбур бўлди. Бу ҳақда Telegram’даги «Новости Ташкентского неба» канали хабар берди.
FlightAware маълумотларига кўра, 1 февраль куни S7 Airlines’нинг соат 00:14 да Москвадан Хўжандга учган S73241 рейси, ҳамда Ural Airlines’нинг соат 01:41 да Екатеринбургдан Хўжандга учган U68955 рейси об-ҳаво шароити ноқулайлиги — туман, кўриш даражасининг етарли эмаслиги сабабли Тошкент аэропортига қўнишга мажбур бўлган.
Бундан аввал Ural Airlines’нинг 28 январги Самарқанд—Екатеринбург йўналиши бўйича учаётган самолётида техник носозлик юз бергани ҳақида хабар берилган эди.
Изоҳ (0)