Ўзбекистонда январь ойида энг қиммат ва арзон палов қаерда тайёрлангани маълум қилинди

Давлат статистика қўмитаси Ўзбекистон вилоятлари марказий ҳудудлари кесимида 2022 йилнинг январь ойида тайёр паловнинг ўртача нархларига оид маълумотлар билан бўлишди.

Маълум қилинишича, энг қиммат палов Тошкент шаҳрида сотилган бўлиб, бир порцияси 24 800 сўм бўлган. Ундан кейинги ўринлардан Бухоро (21 300 сўм), Тошкент (20 500 сўмдан) вилоятлари жой олди. Энг арзон ош эса Наманган вилоятида, бир порцияси 15 000 сўмдан сотилган.

Бир порция ошнинг ўртача нархи қуйидагича:

• Қорақалпоғистон Республикаси — 15 700 сўм;
• Андижон вилояти — 18 400 сўм;
• Бухоро вилояти — 21 300 сўм;
• Жиззах вилояти — 19 000 сўм;
• Қашқадарё вилояти — 20 300 сўм;
• Навоий вилояти — 15 300 сўм;
• Наманган вилояти — 15 000 сўм;
• Самарқанд вилояти — 20 300 сўм;
• Сурхондарё вилояти — 19 600 сўм;
• Сирдарё вилояти — 16 700 сўм;
• Тошкент вилояти — 20 500 сўм;
• Фарғона вилояти — 17 000 сўм;
• Хоразм вилояти — 19 400 сўм;
• Тошкент шаҳри — 24 800 сўм.