Давлат статистика қўмитаси матбуот хизмати маълумотларига кўра, 2021 йилда Ўзбекистон 26 та хорижий давлатдан жами 27 067 дона енгил автомобиль импорт қилган. Ушбу автомобилларнинг умумий қиймати 588,2 миллион долларга тенг бўлди.
Енгил автомобиллар импорти 2020 йил билан солиштирганда 1 348 донага ошган.
Қўмита маълумотларига кўра, 2021 йилда импорт қилинган енгил автомобиллар орасида Хитой етакчилик қилмоқда. Бу давр ичида, Ўзбекистонга Хитойдан 9 мингга яқин енгил автомобиль импорт қилинган. Кейинги поғоноларда Жанубий Корея ва Россия мос равишда 6 472 ва 4 539 дона автомобиль билан қайд этилган.
2021- йилда Ўзбекистон енгил автомобилларни энг кўп импорт қилган давлатлар:
- Хитой – 8 880 та
- Корея – 6 472 та
- Россия – 4 539 та
- Қозоғистон – 4 470 та
- Польша – 1 204 та
- АҚШ – 490 та
- Литва – 428 та
- Тайланд – 250 та
- Германия – 115 та
- Япония – 97 та
Аввалроқ Ўзбекистон ўтган йилда 10 давлатга қиймати 281,8 миллион долларга тенг бўлган 28 952 дона енгил автомобиль экспорт қилгани ҳақида хабар берилган эди.
Шу тариқа, енгил автомобиллар экспорти, импортига қараганда 1885 донага кўпроқ бўлди.
Изоҳ (0)