Фильмда жуфтлик ролини ижро этган актёр ва актрисаларни реал ҳаётда ҳам бир-бирига кўнгил қўйган инсонлардек тасаввур қиламиз. Албатта, улар бор-йўғи ўз соҳасининг профессионаллари. Лекин кўпинча экрандаги муҳаббат ҳақиқатга айланади ва баъзида оилаларнинг бузилишига олиб келиши ҳам мумкин.
«Жаноб ва хоним Смит»
«Жаноб ва хоним Смит» фильми Бред Питт ва Женнифер Энистон никоҳининг бузилишига сабаб бўлди. Эр-хотин 2000–2005 йиллар давомида биргаликда яшаб келган. Фильм суратга олинаётган вақтда Питт ва Энистоннинг никоҳида бироз келишмовчиликлар пайдо бўлган. Энистон картинанинг премьерасидан бир неча ой олдин аризада ажримнинг сабабини қарама-қаршилик деб кўрсатган. Кейинчалик Питт суратга тушиш пайтида севиб қолганини маълум қилган ва тез орада унинг сўзлари тасдиғини топган.
Бир ой ўтиб, Энистон ажрашиш учун ариза берди. Папарацсилар Питт ва Жолини Африкада биргаликда дам олиш вақтида суратга туширишди. Шундай қилиб, Бред ва Анжелина жуфтлиги пайдо бўлди.
«Ложувард соҳил»
«Ложувард соҳил» Бред Питт ва Анжелина Жолининг 2 йил давом этган никоҳини бузди.
Шунда Анжелина Жоли никоҳнинг бузилиши ҳақида ҳикоя қилувчи ушбу фильм унинг турмуш қуриши имтиҳон бўлганини айтган. Суратга олиш пайтида тарқалган миш-мишларга кўра, Жолининг «қоронғи томони» уларнинг муносабатларини заҳарлаган. «Ложувард соҳил» фильми экранларга чиққанидан бир йил ўтгач, Жоли ажрашиш учун ариза берди.
«Яшил чироқ»
Фильм Райан Рейнолдс ва Скарлетт Йоханссоннинг никоҳини, шунингдек, Блейк Лайвли ва Пенн Бежли ўртасидаги муносабатларни бузди. Блейк Лайвли ва Райан Рейнолдс фильм устида ишлаётганда яқинлашди. Суратга олиш жараёни тугаганидан кўп ўтмай, Лайвли Пенн Бежли билан ажрашди. Райан эса Скарлетт Йоханссон билан муносабатларига нуқта қўйди. Ҳамкасблар 2012 йилда турмуш қурди.
«Қўрқмас»
«Қўрқмас» – бу бир нечта юлдузларнинг муносабатларини бузган яна бир фильм. Фильм Женнифер Гарнер ва Скотт Фолининг ажримига олиб келди. Бен Аффлек ва Женнифер Лопес эса унаштирувни тўхтатишга мажбур бўлди. «Мен рафиқамни ўша ердан топдим», — дейди Аффлек. — Биз бир-биримизни айнан шу фильмда севиб қолдик».
«Момақалдироқ кунлари»
Том Круз ва Мими Рожерс картина устида иш бошланганидан бир ой ўтиб ажрашди. Ўшанда Том Круз аллақачон бошқа аёлга бўлган муҳаббати билан машҳур бўлган. Круз ва Кидман танишганларидан бир йил ўтмай турмуш қурган.
Изоҳ (0)