Қашқадарё вилояти Қарши шаҳрида 19 январь куни фуқаро ўз жонига қасд қилди, деб хабар бермоқда вилоят прокуратураси.
Қайд этилишича, Н.Н. исмли фуқаро (1984 йилда туғилган) «Ойдин» маҳалласи Жайхун кўчасида жойлашган автомобилларга техник хизмат кўрсатиш шохобчасида ўзини-ўзи осиб, жонига қасд қилган.
«Марҳумнинг ўлим сабабини аниқлаш учун судга оид тиббий экспертиза тайинланган», — дейилади хабарда.
Ҳолат юзасидан Қарши шаҳар прокуратураси томонидан терговга қадар текширув ҳаракатлари ўтказилмоқда.
Аввалроқ қарзга олган 57 миллион сўмни тотализаторда ютқазиб қўйган ФарДУ ўқитувчиси қабристонда ўзини осиб қўйгани, Самарқандда кетма-кет қиз кўргани сабаб таҳқирланиб келган аёл ва унинг 16 ёшли қизи ўз жонига қасд қилгани тўғрисида хабар берилганди.
Изоҳ (0)