Ўзбекистонда 29 январь куни 1104 кишида коронавирус қайд этилиб, мамлакатда пандемия бошидан бери коронавирусга чалингани расман тасдиқланганлар сони 221 919 нафарга етди, деб хабар беради Соғлиқни сақлаш вазирлиги матбуот хизмати.
Янги касалланиш ҳолатларининг
- 67 нафари Қорақалпоғистон Республикасида,
- 30 нафари Андижон вилоятида,
- 47 нафари Бухоро вилоятида,
- 34 нафари Жиззах вилоятида,
- 30 нафари Қашқадарё вилоятида,
- 19 нафари Навоий вилоятида,
- 41 нафари Наманган вилоятида,
- 59 нафари Самарқанд вилоятида,
- 15 нафари Сирдарё вилоятида,
- 39 нафари Сурхондарё вилоятида,
- 116 нафари Фарғона вилоятида,
- 52 нафари Хоразм вилоятида,
- 102 нафари Тошкент вилоятида,
- 453 нафари Тошкент шаҳрида қайд этилган.
Статистик маълумотларга кўра, сўнгги кунларда мамлакатда кунлик касалланиш ҳолатлари нисбатан пасайган. Хусусан, 22 январь куни Ўзбекистонда қаторасига бешинчи кун антирекорд қайд этилиб, бир суткада 1478 кишида коронавирус аниқланганди. 23 январь куни эса 1296 киши коронавирус билан касалланди.
Шундан сўнг, 24 январь куни 1123 кишида, 25 январь куни 1174 кишида, 26 январь куни 1117 кишида, 27 январь куни 1186 кишида, 28 январь куни 1152 кишида COVID-19 тасдиқланди.
Сўнгги суткада 242 киши: Самарқанд вилоятида 13 нафар, Сирдарё вилоятида 4 нафар, Сурхондарё вилоятида 7 нафар, Фарғона вилоятида 9 нафар, Тошкент вилоятида 71 нафар, Тошкент шаҳрида 67 нафар бемор тузалиб, касалликдан соғайганлар жами 210 022 нафарга етди ва соғайиш кўрсаткичи 95 фоизни ташкил этмоқда.
Шунингдек, 3 нафар коронавирусга чалинган бемор вафот этиб, касалликдан вафот этганлар сони 1561 нафарни ташкил қилмоқда. Бундан ташқари, ўтган бир сутка ичида яна 217 нафар кишида пневмония аниқланган.
Изоҳ (0)