Ислом Абдуғаниевич Каримов 1938 йил 30 январь куни Самарқанд шаҳрида таваллуд топган. Ислом Каримов 1992 йил 4 январь куни Ўзбекистон президенти сифатида илк бор қасамёд қабул қилган — 1991 йил 29 декабрь куни бўлиб ўтган президент сайловида 87,1 фоиз овоз билан ғалаба қозонган эди.
Кейинчалик Ислом Каримов яна уч марта — 2000 йил 22 январида, 2008 йил 16 январида ва 2015 йил 15 апрелида Ўзбекистон Президенти сифатида тантанали қасамёд қилди. У 2016 йил 2 сентябрига қадар — умрининг охиригача Ўзбекистонга раҳбарлик қилди.
30 январь — Ўзбекистоннинг биринчи президенти Ислом Каримов таваллуд топган кун. Республика бўйлаб, ҳар йили ушбу санада Ислом Каримовни хотирлаш анъанага айланиб бормоқда.
Фаолияти давомида мамлакат мустақиллиги, ривожи ҳамда осойишталиги йўлида хизмат қилган давлат арбобининг хотираси ўзбекистонликлар юрагидан жой эгаллаган.
Ўзбекистонликлар биринчи президент Ислом Каримовни қандай хотирлайди? Ушбу саволга жавоб олиш мақсадида «Дарё» кичик сўровнома ўтказди.
Сўровномада иштирок этганларнинг аксари марҳум президент Ислом Каримовни «Ўзбекистонни оёққа турғазиб берган», «Буюк шахс, бошқа таъриф йўқ», «Энг қийин даврлардан олиб чиққан» дея эслади. Улар Ислом Каримовни мустақиллик асосчиси сифатида билади.
Изоҳ (0)