Туркия Адлия вазирлигининг раҳбари Абдулҳамид Гул истеъфога чиқаётганини эълон қилди, аммо ўз қарорининг сабабларини келтирмади.
«Муҳтарам президентимизнинг розилиги билан мен 2017 йил 19 июлдан буён ишлаб келаётган адлия вазири лавозимидан истеъфога чиқяпман», — деб ёзган Гул Twitter’да.
Шунингдек, у истеъфосини қабул қилгани учун Туркия президенти Ражаб Тоййиб Эрдўғонга миннатдорлик билдирган.
29 январга ўтар кечаси Эрдўғон Адлия вазирлигига янги раҳбар тайинлади. Энди ушбу лавозимда Бекир Бўздағ фаолият олиб боради. Бўздағ бундан аввал Туркия Олий судьялар коллегияси раиси лавозимида ишлаган, шунингдек, бош вазир ўринбосари ҳам бўлган.
Аввалроқ Германия ҳарбий денгиз кучларининг раҳбари Қрим ҳақидаги гапларидан сўнг истеъфога чиққанди. У Қрим яримороли ҳеч қачон Украинага қайтмаслигини айтган.
Изоҳ (0)