Перу ҳукумати мамлакат пойтахти Лима ва унга ёндош Каляо автоном округида жиноятчилик ортиб кетгани боис 45 кунга фавқулодда ҳолат жорий этиш тўғрисидаги қарорни маъқуллади, деб хабар беради Andina агентлиги.
Маълум қилинишича, фавқулодда ҳолат режими даврида фуқароларнинг уй-жой дахлсизлиги, йиғилишлар эркинлиги ва шахсий дахлсизлик ҳуқуқи каби айрим ҳуқуқ ва эркинликлари чекланади. Жамоат хавфсизлиги олдингидек полиция томонидан таъминланади, бироқ зарурат туғилганида улар ёрдам сўраб, ҳарбийларга мурожаат қилиши мумкин.
«Агарда полицияда жиноят содир этган бирор жиноий ташкилот ёки шахс ҳақида маълумот пайдо бўлса, улар ушбу бинога суд рухсатисиз кира олади», — дейди Ички ишлар вазирлигининг маслаҳатчилар гуруҳи раҳбари Димитрий Сенмаче.
Эслатиб ўтамиз, 2021 йил октябрь бошида Перуда бош вазир ва ҳукумат алмаштирилган эди. Хусусан, собиқ бош вазир Гвидо Беллидонинг ўрнига мамлакат Конгрессининг собиқ раиси Мирта Васкес хоним янги бош вазир сифатида қасамёд қабул қилган. Ноябрда эса Перу мудофаа вазири Уолтер Эдисон Аяла Гонсалес истеъфога чиқишини эълон қилганди. Декабрь ойида Перу прокуратураси президент Педро Кастилиони лавозимни ошириш ишларига аралашганликда гумонлаб, сўроққа тутмоқчилиги маълум бўлган.
Изоҳ (0)