Ўзбекистоннинг қайси ҳудудида газ босими нисбатан пастлиги маълум қилинди

Энергетика вазирлиги соат 12:00 ҳолатига республика ҳудудларида табиий газ таъминоти билан боғлиқ ҳолат юзасидан маълумот берди.

Қайд этилишича, ҳозирги пайтда истеъмолчиларга табиий газ етказиб бериш бўйича тизимли ишлар давом эттирилмоқда. Кўрилган чоралар туфайли табиий газ истеъмолчиларининг 67 фоизида ижобий натижага эришилди.

Қуйидаги ҳудудларда эса газ босими нисбатан паст бўлиб турибди:

1. Фарғона вилоятида — 57 фоиз;
2. Андижон вилоятида — 75 фоиз;
3. Наманган вилоятида — 58 фоиз;
4. Тошкент вилоятида — 99 фоиз;
5. Сурхондарё вилоятида — 32 фоиз;
6. Тошкент шаҳрида — 18 фоиз.

Эслатиб ўтамиз, 27 январь куни эрталаб соат 09:00 дан бошлаб шаҳарлараро йўналишлар бўйлаб, шунингдек, аксарият ҳудудларда газ қуйиш шохобчалари ишлай бошлади. Тошкент, Фарғона, Андижон ва Наманган вилоятларида эса газ таъминотининг иш режимини тиклаш ишлари олиб борилмоқда.