Сочлар ҳолатини яхшилаш учун нима қилиш кераклиги ҳақида Harper’s Bazaar нашри маълумот бериб ўтади.
Соч учларини доимий равишда калталатиб туринг
Ҳатто узун бўлишини ҳам истасангиз ҳам ҳар 1-2 ойда сартарошга бориб сочларингизни учини кестириб туринг. Сочларингиз соғлом ва яхши ўсишини истасангиз, тахминан, ярим сантиметрдан калталатиб туришни канда қилмаслик керак.
Сочларингизни совуқдан ҳимоя қилинг
Сочларга шикаст етмаслиги учун совуқда ҳимоя қилишни унутмаслик керак.
Термоҳимоядан фойдаланинг
Юқори ҳарорат сочлар учун зарарли ҳисоблангани сабаб ҳам мутахассислар дазмол ёки плойкадан фойдаланишдан аввал термоҳимоя қилувчи воситадан фойдаланишни тавсия қилади.
Алоҳида парвариш
Ҳатто энг сифатли шампуннинг ҳам асосий вазифаси сочларни тозалашдан иборат. Намлантириш, озиқлантириш ва мустаҳкамлаш учун эса махсус восита ва ниқоблардан фойдаланиш керак.
Массаж
Бош терисини доимий равишда массаж қилиб туриш сочларнинг жадал ўсиши ва мустаҳкам бўлишига ҳисса қўшади. Массажни қўл ёрдамида қилишингиз ёки махсус аппаратлардан фойдаланишингиз мумкин.
Бош терисини пилинг қилдириш
Теридаги ўлик ҳужайраларни доимий равишда тозалаб туриш муҳим саналади. Бунинг учун махсус скраб ёки пилинглардан фойдаланишингиз мумкин. Улардан бир ойда 2 ёки 3 марта фойдалангач, ижобий натижа ўзини узоқ куттирмайди.
Рационга эътиборли бўлиш
Қанчалик яхши воситалардан фойдаланманг, ички озуқа ҳам муҳим саналади. Авитаминоз сочлар қуриши ва синишига сабаб бўлувчи энг асосий сабаблардан ҳисобланади. Рационингизда фойдали ёғлар, E ва D витаминлари, шунингдек, минераллар бўлишига эътибор қаратинг.
Мавзуга доир:
Изоҳ (0)