Ҳар кунги кундалик парвариш юзни ювиш ва тозалашдан бошланади.
Тозалаш
Уйқудан аввал терини тозалаганингизга қарамай, тонгда яна махсус воситалардан фойдаланиш керак. Гап шундаки, кечаси ёғ безлари фаол ишлагани ҳисобига чанглар ёпишиб қолиши мумкин. Шу сабаб ҳам энг биринчи ишни тозалашдан бошлаш лозим.
Тоник
Шундан кейин терини балансда ушлаб, тиклашга ёрдам берадиган тоникдан фойдаланинг. У терини намлантириб, ҳолатини яхшилайди.
Қовоқлар учун крем
Кейин эса қовоқларга крем суртиш керак. Кўз атрофидаги тери нозик ва парваришга муҳтож экани ва ажин тушишининг олдини олиш учун ушбу босқични эсдан чиқармаслик лозим.
Зардоб
Кейин бўлса тери аҳволи, рангини яхшилаб, соғлом кўринишига сабаб бўладиган, шунингдек, намлантириш хусусиятига эга бўлган зардобдан фойдаланиш керак. Сингиши учун 1-2 дақиқа кутишни ҳам унутманг.
Крем
Кундалик суртишга мўлжалланган кремлар терини атрофдаги турли чанглардан ҳимоя қилиш хусусиятига эга ҳисобланади. Зарарли ультрабинафша нурларидан сақланиш учун SPF кремлардан фойдалансангиз яна яхши. Терининг тонгги парвариши шу ерда ўз якунига етади. Бундан кейин макияж қиладиган бўлсангиз, 15-20 дақиқа кутиш тавсия қилинади.
Кечки парвариш
Кечки парваришни макияжни тозалашдан бошлаш керак. Махсус тозаловчи воситадан фойдалангандан кейин юзни яхшилаб ювиш лозим. Бунинг учун мицеляр сув, махсус ёғдан фойдалансангиз бўлади, кўпиклар ёки гел билан ҳам тозалаш мумкин. Охири тоник билан юзингизни артинг.
Крем суртиш муҳимми?
Ёшингиз 45 дан катта бўлмаса ва терингиз ёғли, қуруқ ёки аралаш бўлса тоникдан кейин кечки крем суртиш шарт эмас. Гап шундаки, кечаси суртилган кремлардан кейин эрталаб юзда шиш кузатилиши мумкин. Бунинг олдини олиш учун эса уйқудан 2 соат аввал суртиш ва ҳаво айланадиган жойда ухлаш керак бўлади.
Кундалик парвариш
Асосий парвариш қилишга мўлжалланган воситалардан ҳафтада 1-2 марта фойдаланган маъқул Масалан, шанба куни пилинг ва ниқоб қилишни унутманг. Терига шикаст етказиши мумкин бўлган скраблар ўрнига таркибида озиқлантирувчи моддалар бор бўлган пилингдан фойдаланинг.
Изоҳ (0)