Тунда макияжни тозалашда кўпчилик дангасаликка йўл қўяди. Лекин буни унутмаслик учун камида 8 та яхши сабаб бор. Қуйида уларни эътиборингизга ҳавола этамиз.
Қаришни секинлаштиради
Агар жуда чарчаган бўлсангиз ҳам, юзни ювиш учун 5 дақиқа вақт топиш керак. Тери ҳужайраларининг тунда янгиланиши исботланган. Агар уни тозалаш унутилса, у тезроқ қарийди. Кейинчалик эластикликнинг пасайиши ва ажинлар пайдо бўлишининг олдини олиш мумкин эмас.
Терининг озиқланишига ёрдам беради
Кечаси тери тикланади. Бунга юз терисидаги макияж ва кирларни олиб ташлаш ҳамда антиоксидант намловчи воситаларни қўллаш орқали ёрдам бериш мумкин. Тозаланган, намланган тери билан уйқуга ётиш энг яхши қарор. Юқори сифатли косметикани танлаш терининг саломатлиги учун жуда муҳимдир.
Аллергиянинг олдини олади
Кўринадиган аломатлар ҳеч қачон сезилмаса ҳам, тери аллергик реакцияларга мойил бўлиши мумкин. Бир кечага қолдирилган косметик восита юзда экзема ва бошқа жиддий муаммоларни келтириб чиқариши мумкин. Симптомлар дарҳол пайдо бўлмайди, лекин вақт ўтиши билан қизариш, ачишиш ҳисси ва ҳатто оғриқ ҳам кузатилиши мумкин.
Пигментация пайдо бўлишининг олдини олади
Кўпчилик аёлларнинг терисида ҳатто тональ креми ҳам яшира олмайдиган қора доғларни кўриш мумкин. Уларнинг ташқи кўриниши ҳар доим ҳам кучли стресс ёки ёшга боғлиқ ўзгаришлар билан алоқадор эмас. Бунинг сабаби сурункали аллергик реакция бўлиши мумкин. Агар ётишдан олдин тери яхшилаб тозаланмаса, пигментация пайдо бўла бошлади.
Лаблар қуришидан сақлайди
Агар кечгача лабда умуман лаб бўёғи қолмайди, деган фикр бўлса, бу нотўғри. Кўз билан кўринмаса ҳам, қисман қолган бўёқ лабнинг нозик терисини сувсизлантиришда давом этади.
Кўз остида қора доғлар пайдо бўлишининг олдини олади
Макияж билан ухлаш юқори даражадаги эҳтимоллик билан, кўз атофи ҳудудида доғларни пайдо қилади. Бошқача қилиб айтганда, кўз остидаги қора шишларни бартараф этиш узоқ вақт талаб этмайди. Бунинг учун юз териси ва кўз атрофини макияж ва турли бўёқлардан тозалаган ҳолда ухлаш лозим.
Киприклар тўкилишидан ҳимоя қилади
Ҳеч қачон киприкларда қолган туш билан уйқуга кетмаслик керак. Ухлаётган вақтда у қурийди, кирпикларнинг синиши ва тўкилишига, шунингдек, кўз контурининг қизариши ва яллиғланишига олиб келиши мумкин. Кўз қовоқларининг шишиши билан уйғонмаслк учун сув ўтказмайдиган тушдан фойдаланиш керак, чунки уни тозалаш осонроқ.
Ҳуснбузар пайдо бўлишининг олдини олади
Ҳуснбузарлар фақат ўсмирлик муаммоси эмас. У ҳар қандай ёшда пайдо бўлиши мумкин. Тўлиб қолган тешиклар кўпинча уларнинг кўпайишига олиб келади. Агар тери муаммоли бўлса, ёғсиз, комедоген бўлмаган косметик воситалардан фойдаланиш ва уни мицеляр сув билан тозалаш тавсия этилади.
Изоҳ (0)