Африка кубогининг 1/8 финал босқичидан ўрин олган Камерун ва Комор ороллари терма жамоалари ўртасидаги учрашув (2:1) олдидан стадион яқинида тиқилинч юзага келди.
Мухлислардан иборат оломон стадионга киришга ҳаракат қилган, хавфсизлик ходимлари эса зарур бўлган тартибни ўрнатолмаган. Натижада, ҳодиса пайтида баъзи мухлислар ерга йиқилган, бошқалари эса уларнинг устидан босиб ўтиб кетган. Маҳаллий ОАВлар бир неча кишининг ҳушини йўқотгани ва жароҳатланганларнинг касалхонага ётқизилгани ҳақида хабар бермоқда.
LSI Africa маълумотларига кўра, тиқилинчда камида 7 киши ҳалок бўлган. Associated Press журналисти Роб Ҳарриснинг ёзишича эса қурбонлар сони камида 6 кишини ташкил қилади.
Маълумот учун, Африка Кубоги—2022 Камерун мезбонлигида ўтмоқда. Ҳозирда мусобақанинг 1/8 финал ўйинлари ўтказилмоқда, финал беллашуви 6 февраль куни бўлиб ўтади.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)