Карим Бенземанинг уйига ўғри тушди

«Реал» ҳужумчиси Карим Бенземанинг уйига ўғри тушган. Футболчи бу вақтда Испания чемпионати доирасидаги «Элче»га қарши ўйинда (2:2) бўлган.

20minutos нашрига кўра, ўғрилар Бенземанинг Сан-Себастьян-де-лос-Реесдаги уйига боғ орқали кириб келган. Улар келган вақтда уйда ҳеч ким бўлмаган. Ҳозирча талончиларнинг келтирган зарари ҳақида маълумотлар йўқ.

Қайд этиш керак, бу Бенземанинг ўғрилардан жабр кўраётган илк ҳолат эмас. 2019 йилда «Реал»нинг «Барселона»га қарши учрашуви вақтида ҳам ҳужумчининг ўйинига ўғри тушганди.

«Элче»га қарши беллашувда Бензема пенальтини голга айлантира олмади. Шунингдек, у ушбу баҳсда жароҳат олди ва майдонни шерикларидан эрта тарк этди.

Бензема 2021/22 йилги мавсумда барча мусобақалар доирасида 27 ўйин ўтказиб, 24 та гол урди ва 9 та голли узатмани амалга оширди.