2021 йилнинг энг кучли футбол клублари рейтинги эълон қилинди. Ўзбекистоннинг учта жамоаси рўйхатга киритилди

Халқаро футбол тарихи ва статистикаси федерацияси (IFFHS) 2021 йил якунларига кўра жаҳоннинг энг кучли футбол клублари рейтингини эълон қилди.

Рейтингни Бразилиянинг «Палмейрас» клуби бошқариб бормоқда. Унинг ҳисобида 322 очко мавжуд. Иккинчи ўринни 313 очко билан «Атлетико Минейро» (Бразилия), учинчи ўринни 300 очко билан «Манчестер Сити» (Англия) эгаллаб турибди.

1. «Палмейрас» (Бразилия) — 322 очко;
2. «Атлетико Минейро» (Бразилия) — 313;
3. «Манчестер Сити» (Англия) — 300;
4. «Челси» (Англия) — 289;
5. «Фламенго» (Бразилия) — 289;
6. «Динамо Загреб» (Хорватия) — 282;
7. «Бавария» (Германия) — 271;
8. «Реал Мадрид» (Испания) — 262;
9. «Аякс» (Нидерландия) — 261;
10. «Атлетико Паранаэнсе» (Бразилия) — 252.

Эслатиб ўтамиз, 2020 йил якунларига кўра Тошкентнинг «Пахтакор» жамоаси 109 очко билан рейтингнинг 85-поғонасидан жой олганди. Осиёда эса «Улсан Ҳюндай», «Чонбук Моторс» ва «Ан-Насср»дан кейин тўртинчи бўлган эди.