Янги Зеландия бош вазири Жасинда Ардерн мамлакатда янги COVID-чекловлари жорий этилишига бағишланган матбуот анжуманида тўйи бекор қилинганини айтди. Бу ҳақда маҳаллий нашрга таяниб, «РИА Новости» хабар берди.
Омикрон штамми туфайли Янги Зеландия 24 январь оқшомидан коронавирусга қарши жавоб чораларининг «қизил» даражасига ўтмоқчи. Ардерннинг айтишича, эндиликда туғилган кун ва тўй каби тадбирларда 100 дан ортиқ меҳмонларнинг қатнашишига рухсат берилмайди, вакцинация сертификатига эга бўлмаган одамлар учун эса ушбу лимит 25 кишидан ошмайди.
«Менга келсак, тўйим бўлмайди, аммо мен бу билан пандемия натижасида ушбу вазиятни бошдан кечирган янги зеландияликлар қаторига киряпман, холос», — деди Ардерн матбуот анжуманида.
«Ҳаёт шунақа. Бемалол айтишим мумкинки, минглаб янги зеландияликлардан фарқли жойим йўқ», — дейди мамлакатнинг бош вазири.
Аввалроқ Янги Зеландияда мажбурий эмлаш ва локдаунга қарши норозилик намойишлари бўлиб ўтгани ҳақида хабар берилганди.
Мавзуга доир:
Изоҳ (0)