Тонгада вулқон отилиши ҳодиса жойидан 10 минг километр узоқликдаги Перу соҳилларида нефтнинг тўкилишига олиб келди. Перу пляжлари ҳозир шундай кўринишда (фото)
Тинч океанидаги Тонга архипелагида Хунга-Тнга-Хунга-Хаапай сувости вулқонининг отилиши 15 январда Перу пойтахти Лима шимолида нефть танкерида юкламанинг ортиб кетишига олиб келди. Оқибатда олти минг баррель нефть океанга оқди, балиқчилар оилаларига жиддий зиён етди ва ҳудудда қўриқхоналардаги флора ҳамда фауна оламини хавф остида қолдирди, дейилади Перу ТИВ баёнотида. Ифлосланишнинг умумий майдони 1,7 миллион квадрат метр қуруқликда ва 1,2 миллион квадрат метр океан юзасида. Ҳукумат содир бўлган ҳодисага Лима тарихидаги энг ёмон экологик фалокат дея тавсиф берган ва Лотин Америкасидаги Репсол нефть-газ компаниясидан зарарни қоплашни талаб қилган. Фалокатдан кейин Лима соҳилларидаги дам олиш қирғоқлари шундай кўринишда.
Лимадан шимолдаги зарарланган соҳилда турган ишчиФото: EPA
Клаяо ҳудудидаги Каверо пляжида ишчи нефтни тозалаб олмоқда, Перу. 2022 йил 21 январьФото: AP Photo
Лимада яшовчи фуқаро танкеридан нефть оқиб кетган Испаниянинг Репсол нефть-газ компаниясига қарши намойишда иштирок этмоқда. Репсол оқиб кетган нефть ҳажмининг Перу табиатни муҳофаза қилиш вазирлиги берган маълумотдагига нисбатан анча камлиги ҳақида хабар берган. 2022 йил 21 январь.Фото: AFP
Хунга-Тонга-Хунга-Хаапай вулқони отилганидан кейин орадан ҳеч қанча вақт ўтмай сув остида қолган. Чапдан ўнгга: 2021 йил 10 апрелда (вулқон отилишидан анча аввал), 2022 йил 6 январь (вулқондан бир неча кун аввал), 2022 йил 18 январь (вулқон отилганидан кейинги ҳолат). Фото: AP Photo
Изоҳ (0)