Жиззах вилояти Ғаллаорол туманида 19 январь куни кучли шамол айрим игнабаргли дарахтларни илдизи билан қўпориб туширди, деб хабар қилмоқда Telegram’даги «UzbMeteo» канали.
Қайд этилишича туманнинг Қўйтош ШФЙ ҳудудида эсган кучли шамол ноёб турдаги 25 та арча дарахтларни йиқитган.
«Ўзгидромет»нинг «Ғаллаорол» кузатув станциясида 19 январь куни соат 12:30 да ғарбий йўналишдаги шамол тезлиги 12 метр/секунд, кучайганда 25 метр/секунд тезликда эсган.
Аввалроқ «Ўзгидромет» 19 январь, чоршанба куни қандай об-ҳаво кузатилишини маълум қилганди. Унда «Жиззах вилоятида ҳаво ўзгариб туради, ёмғир ёғади, баъзи жойларда қорга айланиши мумкин. Шамол ғарбдан 7-12 метр/секунд тезликда эсади, баъзи жойларда 17-22 метр/секундгача кучайиши мумкин. Ҳарорат кечаси ва кундузи 3-8 даража илиқ бўлади», дейилган эди.
Изоҳ (0)