Россияда мавсумий ишлаши даврида интернет орқали халқаро террорчи тузилмалар таъсирига тушиб, қўпорувчилик ҳаракатини содир қилиш мақсадида Суриядаги жангарилар сафига бориб қўшилишни режалаштирган шахс қўлга олинди.
Маълум қилинишича, Қашқадарё вилоятида туғилган ушбу фуқаро Давлат хавфсизлик хизмати ходимлари томонидан Россия Федерал хавфсизлик хизмати билан ҳамкорликда ўтказилган тезкор-қидирув тадбирлари натижасида Россияда қўлга олинган ва Ўзбекистонга олиб келинган.
Ҳозирда ушбу шахсга нисбатан қўзғатилган жиноят иши доирасида тергов ҳаракатлари давом эттирилмоқда.
Аввалроқ Суриядаги жангарилар сафига қўшилмоқчи бўлган ўзбекистонлик эркак Россияда ушлангани, Ўзбекистонда қидирувда бўлган шахс Россияда қўлга олингани, Давлат хавфсизлик хизмати ходимлари халқаро террористик ташкилотга алоқадорлиги учун қидирувда бўлган 26 ёшли С.С.ни хориждан Ўзбекистонга олиб келгани, Қирғизистоннинг Ўш шаҳрида «Ҳизб ут-Таҳрир» диний-экстремистик ташкилотининг Ўзбекистондаги фаолиятига масъул бўлган фуқаро қўлга олингани тўғрисида хабар берилганди.
Изоҳ (0)