Жилокор хонатласлар, бахмал дўппилар ва либосга айланган майин ипак — Ҳунармандлар марказидан фоторепортаж
Фарғона вилояти Марғилон шаҳрида Ҳунармандлар маркази жойлашган. Бино замонавий кўринишга эга бўлса ҳам, ичкарисини миллийлик руҳи қоплаб олган.
Гап «Марғилон АБР матолари» кооперативи ҳақида. Корхона 2020 йил 5 июнь куни «Исмоилжон гиламлари» корхонаси қошида очилган. Корхона таъсисчиси Иброҳимжон Султонов 180 нафар ишсиз фуқарони иш билан таъминлаган.
Корхонада, асосан, атлас адрас ва ипак матолари ишлаб чиқарилади, ҳамда тайёр маҳсулотлар тайёрланади. Корхона 2 қаватдан иборат бўлиб, ертўласида атлас ва адрас тўқилади, 1-қаватида галерея (чевархона, подиум, фото зона ) 2-қаватида ипак маҳсулотидан қўлда тўқиладиган гилам цехи жойлашган.
Маълумот учун, 2020 йил 6 июнда ушбу марказга Шавкат Мирзиёев ташриф буюрганди.
Президент матбуот хизматининг қайд этишича, чеварларга 3,5 миллион сўмгача маош берилади. Марказ 600 ишчига мўлжалланган, хотин-қизларнинг қолгани касаначилик асосида уйда ўтириб меҳнат қилади.
Изоҳ (0)