Бутун дунё бўйлаб ўтган бир ҳафта ичида (10—16 январь) коронавирус инфекцияси билан касалланишнинг янги ҳолатлари сони ундан олдинги ҳафта билан таққослаганда 20 фоизга ошди. Бу ҳақда Жаҳон соғлиқни сақлаш ташкилотининг ҳафталик ҳисоботида сўз боради.
Шу билан бирда, ЖССТнинг таъкидлашича, касалланиш сони ортаётганига қарамай, COVID-19 асоратлари оқибатида вафот этганлар сони 10—16 январь ҳолати бўйича ундан олдинги ҳафтага нисбатан ўзгармаган.
Ташкилотнинг маълумотларига кўра, ўтган ҳафтада бутун дунё бўйлаб 18 миллион кишида коронавирус тасдиқланган ва 45 минг киши вафот этган. COVID-19 билан касалланиш ҳолатлари камайган ягона минтақа — бу Африка.
16 январь ҳолатига кўра, бутун дунё бўйлаб 323 миллиондан ортиқ одамда коронавирус қайд этилган ва 5,5 миллиондан ортиқ ўлим ҳолати қайд этилган.
Аввалроқ Грузияда бир суткада 7,5 минг кишида коронавирус аниқлангани — бу пандемия бошидан бери янги антирекорд экани, БМТ бош котиби дунёни янги пандемияга тайёрланишга чақиргани, Швецияда омикрон штаммининг мутацияси аниқлагани тўғрисида хабар берилганди.
Мавзуга доир:
Изоҳ (0)