Butun dunyo bo‘ylab o‘tgan bir hafta ichida (10—16-yanvar) koronavirus infeksiyasi bilan kasallanishning yangi holatlari soni undan oldingi hafta bilan taqqoslaganda 20 foizga oshdi. Bu haqda Jahon sog‘liqni saqlash tashkilotining haftalik hisobotida so‘z boradi.
Shu bilan birda, JSSTning ta’kidlashicha, kasallanish soni ortayotganiga qaramay, COVID-19 asoratlari oqibatida vafot etganlar soni 10—16-yanvar holati bo‘yicha undan oldingi haftaga nisbatan o‘zgarmagan.
Tashkilotning ma’lumotlariga ko‘ra, o‘tgan haftada butun dunyo bo‘ylab 18 million kishida koronavirus tasdiqlangan va 45 ming kishi vafot etgan. COVID-19 bilan kasallanish holatlari kamaygan yagona mintaqa — bu Afrika.
16-yanvar holatiga ko‘ra, butun dunyo bo‘ylab 323 milliondan ortiq odamda koronavirus qayd etilgan va 5,5 milliondan ortiq o‘lim holati qayd etilgan.
Avvalroq Gruziyada bir sutkada 7,5 ming kishida koronavirus aniqlangani — bu pandemiya boshidan beri yangi antirekord ekani, BMT bosh kotibi dunyoni yangi pandemiyaga tayyorlanishga chaqirgani, Shvetsiyada omikron shtammining mutatsiyasi aniqlagani to‘g‘risida xabar berilgandi.
Mavzuga doir:
Izoh (0)