Шимолий Корея ҳарбийлари яқин масофага мўлжалланган иккита баллистик ракетани учирди. Бу ҳақда Жанубий Корея ҳарбийлари томонидан тақдим этилган маълумотларга таяниб, Yonhap агентлиги хабар берди.
Ракеталар шарқий йўналиш бўйича учирилган ва тахминан 380 километрдан сўнг қулаган. Уларнинг максимал тезлиги товуш тезлигидан беш баробар ортиқ бўлгани айтилмоқда.
Агентликнинг таъкидлашича, бу КХДР томонидан январь ойининг ўзида учирилган тўртинчи ракеталар серияси ҳисобланади. Январь ойида Пхеньян синовлар ҳақида, хусусан, гипертовушли ракеталар синови ҳақида маълум қилганди.
Аввалроқ 17 январь куни Шимолий Корея Япон денгизи томон номаълум снарядни учиргани тўғрисида хабар берилганди. Kyodo агентлиги Япониянинг Соҳил хизматига таяниб, снаряд баллистик ракета бўлиши мумкинлиги ҳақида ёзганди.
Январь ўрталарида Шимолий Корея АҚШ Пхеньянга нисбатан янги санкцияларни жорий этгач, «янада кучли ва аниқ жавоб» қайтаришга мажбур бўлиши ҳақида огоҳлантирганди. «Агарда АҚШ шу каби контрфронтал позицияни эгаллашни давом этса, КХДР бунга янада кучли ва аниқ жавоб қайтаришга мажбур бўлади», — дейилади Шимолий Корея ТИВ вакилининг баёнотида.
Мавзуга доир:
Изоҳ (0)